Kyk ook:
- Lys van NG gemeentes wat doleer
- RSG: NG Kerk-twis draai dalk in hof (RSG, Johann Ernst, 5 Mrt 2024)
- Skokkende geskiedenis van die NG Kerk sedert 2000
- ’n Saak vir kerkskeuring
Die volgende gemeentes het hulle verband met die algemene sinode opgeskort:
- Tafelberg (Kaapstad, Wes-Kaapland) – 22 Jun 2023
- Leeuwberg (Vrystaat) – 14 Aug 2023
- Vanstadensrus (Vrystaat) – 16 Nov 2023
- Kestell (Vrystaat) – 3 Des 2023
- Kempton Krag (Kemptonpark) – 5 Des 2023
- Mooifontein (Kemptonpark) – 17 Des 2023
- Die Strand (Wes-Kaapland) – 18 Jan 2024
- Hluhluwe (Natal) – 6 Feb 2024
- Eendracht (Hoëveld) – 20 Feb 2024
- Goedehoop (Hoëveld) – 26 Feb 2024
- Karatara en Sedgefield (Wes-Kaapland) – 11 Mrt 2024
- Goedgegun (Swaziland) – 5 April 2024
- Charl Cilliers (Hoëveld) – 14 April 2024
Die hele streeksinode van Namibië het ook op 8 November 2023 hulle verband opgeskort.
Dit bly my pla dat die een gemeente na die ander in die NGK van dolering na vrymaking gaan deur die weg van opskorting van verband, sonder enige poging om na ‘n Ring in Streeksinode Suidwes-Afrika te skuif, en eers dan gesamentlik (eerder as independendisties) en ordelik (in grootste moontlike hoeveelheid) tot afstigting (eerder as opskorting) oor te gaan. Nou sien ek Streeksinode Suidwes-Afrika het reeds 8 November verlede jaar ook verband opgeskort, met die gevolg dat met die uitsondering van die eerste twee gemeentelike opskortings (Tafelberg-Kaapstad en Leeuberg-Bloemfontein) al die ander vrymakings nie die opsie van aansoek vir skuif na ‘n Ring in Streeksinode Suidwes-Afrika gehad het nie. My vermoede is dat die Koinonia Kategoriale Sinode dit duidelik gestel het na Tafelberg-Kaapstad se vrymaking, dat gemeentelike opskorting van verband die beste medisyne is. Die beredenering lyk steeds erg independentisties (elke gemeente op sy eie) enersyds, en andersyds halfhartig (opskorting eerder as afstigting) wat die proses van uiteindelike afstigting in breedste moontlike beweging ten beste vertraag en ten slegste kortwiek.
Die verwarrende is dat terwyl die Koinonia Sinode op hul netwerf die Streeksinode Suidwes-Afrika aandui as dat die verband opgeskort het (https://koinoniasinode.org.za/opskort-2/), die bewysdokument daarvoor eintlik nie dié afleiding rugsteun nie (https://koinoniasinode.org.za/wp-content/uploads/2023/11/NGK-Namibie-se-uittrede-uit-Algemene-Sinodale-verband-2023-11-08.pdf).