Staan op en waak in geloof, NG leiers
deur Jan Vermaak van Faerie Glen skryf: 2012-11-28 22:38
(Van Beeld gekopieer.)
Die hoofonderwerpe van bespreking in die NG Kerk was vanjaar Belhar en die strewe na ’n sagter benadering tot geloofsoortuigings.
Die vraag is: hoekom stuit hierdie nuwe benadering nie die uittog uit die NG Kerk nie? Kan dit wees omdat die meeste kerkgangers nie daarmee akkoord gaan nie?
Die Nederduitsch Hervormde Kerk het hom vanjaar op ’n moeilike terrein bevind met die steedsHervormers wat met sterk teologiese oortuigings die streep getrek het.
Ek was diep geraak deur hul kinderlike opregtheid in die geloof in Jesus Christus as Verlosser. Geen politieke korrektheid as dryfveer nie, maar die geloof in die Verlosser alleen.
Gaan hulle NG mense aantrek na hulle toe? Wat gaan in die komende maande van die NG Kerk word?
Die boodskap aan die NG Kerkleiers is: “Staan op, jy wat slaap, en waak in die geloof.”
Verwante artikels
- Kerkspanning tussen tradisie en vernuwing (Wilhelm Jordaan)