Hamartiologie is the studie van sonde. Hamartiologie handel oor hoe sonde ontstaan het, hoe dit die mensdom beïnvloed en wat dit ná die dood tot gevolg sal hê. Om te sondig beteken in wese om “die punt te mis”. Ons mis almal God se teken van geregtigheid (Romeine 3:23). Hamartiologie verduidelik dan waarom ons die punt mis, hoe ons die punt mis en die gevolge daarvan as ons die punt mis. Dit is ’n paar belangrike vrae in Hamartiologie:
Wat is die definisie van sonde? Sonde word in die Bybel beskryf as oortreding van die wet van God (1 Johannes 3:4) en opstand teen God (Deuteronomium 9:7; Josua 1:18).
Het ons almal sonde van Adam en Eva geërf? Romeine 5:12 praat hieroor: Verder nog dít: Deur een mens het die sonde in die wêreld gekom en deur die sonde die dood, en so het die dood tot al die mense deurgedring, omdat almal gesondig het.
Is alle sondes gelyk voor God? Daar is grade van sonde – sommige sondes is erger as ander. Terselfdertyd, wat die ewige gevolge en redding betref, is alle sondes dieselfde. Elke sonde sal lei tot die ewige veroordeling (Romeine 6:23).
Hoe kan ek weet of iets sonde is? Daar is dinge wat die Bybel spesifiek noem en as sonde verklaar. Die moeiliker saak is om vas te stel wat sondig is in gebiede waarby die Bybel nie direk aandag gee nie.
Dit kan lyk asof die bestudering van ’n neerdrukkende onderwerp soos sonde teenproduktief vir die Christen sou wees. Is ons tog nie gered deur die bloed van Christus van sonde nie? Ja! Maar voordat ons redding kan verstaan, moet ons eers verstaan waarom ons verlossing nodig het. Dit is waar hamartiologie inkom. Dit verklaar dat ons almal sondaars is — deur erfenis, deur toerekening en deur ons eie keuse. Dit wys ons waarom God ons moet veroordeel vir ons sondes. Hamartiologie wys op die oplossing vir sonde – die versoeningsoffer van Jesus Christus. Wanneer ons werklik ons sondige aard onder die loep neem, begin ons die diepte en breedte van die aard van ons groot God te peil, wat enersyds sondaars in die regterlike oordeel tot die hel veroordeel, en andersyds Sy eie vereiste vir perfeksie. Slegs wanneer ons die diepte van sonde verstaan, kan ons die hoogtepunt van God se liefde vir sondaars verstaan.
‘n Belangrike Skrifgedeelte oor hamartiologie is Romeine 3:23-24 : (23)Almal het gesondig, en het nie deel aan die heerlikheid van God nie, (24)maar hulle word, sonder dat hulle dit verdien, op grond van sy genade vrygespreek vanweë die verlossing deur Jesus Christus.