Waar twee of drie in my Naam saam is…
Matteus 18: (19)Verder verseker Ek julle: As twee van julle op aarde oor enige saak saamstem en daaroor bid, sal my Vader wat in die hemel is, hulle dit laat kry, (20)want waar twee of drie in my Naam saam is, daar is Ek by hulle.”
Hierdie vers word dikwels verkeerd verstaan asof dit ’n algemene waarborg is dat God alles sal gee wat twee mense saam vra. Of selfs dat ‘n samekoms van twee of meer mense ‘n kerkbyeenkoms kan vervang.
Hierdie verse word egter vooraf gegaan deur:
(15)“As jou broer verkeerd opgetree het teen jou, gaan wys hom tereg waar julle eenkant alleen is. … as hy nie luister nie, neem nog een of twee met jou saam, sodat alles wat gesê word, deur die woord van twee of drie getuies bevestig kan word. … as hy na hulle nie luister nie, sê dit vir die gemeente. As hy ook na die gemeente nie luister nie, moet jy hom as ‘n heiden en ‘n tollenaar behandel.
Dit gaan dus hier oor:
- dissipline en herstel binne die geloofsgemeenskap,
- hoe gelowiges met sonde en konflik in die gemeente moet omgaan,
- die belangrikheid van eenheid tussen gelowiges.
Wanneer Jesus sê:
“As twee van julle op aarde oor enige saak saamstem…”
dan verwys Hy eerder na saamstem in die hantering van ’n saak—soos wanneer twee getuies of geestelike leiers saamwerk om ’n regverdige besluit te neem oor ’n saak van sonde, konflik of tug.
Die “twee of drie” sluit dus aan by Deuteronomium 17:6 en Deuteronomium 19:15 – dit gaan oor God se teenwoordigheid in die proses van geestelike oordeel, tug, en besluitneming in die gemeente.
God ondersteun dus regverdige en eensgesinde besluite in die gemeente.
God se wil word gedoen wanneer gelowiges saam bid en saam besluit onder die leiding van die Heilige Gees.
Bronne
- The REAL Meaning of “where two or three are gathered”… (NOT What You Think!) (Lion of Fire Ministries (Matt Mason), 20 Nov 2025, Youtube)