Onderstaande artikel en kommentare het op Kerkbode-aanlyn verskyn — die misleiding van die titel blyk sommer vinnig as die artikel gelees word.
Die skrywer is Jean Oosthuizen, nuusredakteur van Kerkbode, die NG Kerk se amptelike nuusblad.
Volgens sy logika, gemeet aan die 2de paragraaf van sy skrywe, kon die titel net sowel “Baie entoesiasme vir Christelike universiteit” gewees het.
**********
Min entoesiasme vir Christelike universiteit
15/08/2012 | Filed under: Nuus,Suid-Afrika | Geskryf deur: Jean
PRETORIA. – ’n Voorstel vir ’n sogenaamde Christelike universiteit in Suid-Afrika word nie juis met geesdrif begroet deur teoloë wat aan die bestaande universiteite verbonde is nie. Sommige sê reguit dit kan tot ’n laertrek-mentaliteit aanleiding gee.
Die gedagte aan ’n Christelike universiteit is vroeër vandeesmaand tydens ’n seminaar in Pretoria geopper. Sprekers soos prof Ponti Venter van die Noordwes-Universiteit en dr Flip Buys, uitvoerende hoof van Solidariteit, het hulle ten gunste van so ’n instelling uitgespreek. Die uitvoerende hoof van die Akademie Reformatoriese Opleiding en Studies (Aros), Pieter Bisschoff, wat die seminaar deur sy Juventus-jeugvereniging aangebied het, het aangevoer dat daar ’n geweldige behoefte by die jeug aan Christelike wetenskaplike opleiding is.
Die dekaan van die Fakulteit Teologie aan die Universiteit van die Vrystaat (UV), prof Francois Tolmie, het aan Kerkbode gesê dat so ver dit sy eie vakrigting, teologie, aangaan, dit die heel beste is om dit aan ’n openbare universiteit soos die UV te beoefen. “Die feit dat jy aan so ’n universiteit gereeld met ander, uiteenlopende standpunte, gekonfronteer word, maak dit wel meer uitdagend,” het prof Tolmie gesê. “Maar terselfdertyd bied dit ook groot geleenthede – veral in ’n land soos Suid-Afrika, waar daar toenemend tekens van sekularisering is.”
Prof Tolmie sê dit staan egter enige groep vry om binne die ruimte wat die grondwet bied, en deur eie finansiering, so ’n inrigting binne die tersiêre opset tot stand te bring. “En indien dit ’n werklikheid word, sou dit waarskynlik die beste wees om dit so inklusief moontlik te maak.”
Prof Tolmie wou hom nie te veel uitlaat oor “Christelike wetenskap” nie, omdat dit nie sy vakgebied is nie. Hy glo egter wel dat dit onmoontlik is om wetenskap heeltemal neutraal en waardevry te beoefen, en dat ’n mens vanuit ’n Christelike hoek ’n baie belangrike bydrae kan maak tot die gesprek oor gedeelde wetenskaplike waardes. Hier dink hy veral aan respek vir die ander, wetenskaplike integriteit, en eties korrekte argumentering.
Prof Danie Veldsman van die Departement Dogmatiek en Christelike Etiek by die Teologiese Fakulteit aan die Universiteit Pretoria, was baie skepties oor die gedagte aan ’n Christelike universiteit. Prof Veldsman het aan Kerkbode gesê dit is niks anders nie as ’n “laertrek-mentaliteit” as Christene hulle op dié manier wil afsonder.
Hy sê dit is Middeleeus-gesentreerde denke wanneer ’n bepaalde groep reken húlle het ’n monopolie op kennis. Dit sal volgens hom net tot vervreemding lei indien Christene hulle op akademiese gebied wil afsonder. “En die term ‘Christelike wetenskap’ staan my ook nie aan nie, omdat dit ’n suggestie bevat dat die Bybel ’n wetenskaphandboek is,” het prof Veldsman aan Kerkbode gesê.– jean@tydskrifte.co.za
Kommentare
- Ek stem saam. Ook hoër onderwys moet Christelik wees? 74% (3897 stemme)
- Nee, godsdiens hoort nie in onderwys nie. 11% (572 stemme)
- Daar moet plek wees vir universiteite van verskillende gelowe. 15% (804 stemme)
Vroeër jare het ons altyd gepraat van die Potchefstroomse Universiteit vir Christelike Hoër Onderwys (PU VIR CHO). Maar gaande weg het die Universiteit sy Christelike karakter begin verloor, omdat die meisies by hulle kêrels se kamers begin slaap het, of die kêerels het in hulle meisies se kamers gaan slaap in die koshuise, terwyl dit teen die reëls van die Universiteit was.
En die Potchefstroomse Universiteit is nie die enigste Universiteit waar dit gebeur nie, dit gebeur by al die Universiteite dwarsoor die land. Ek moet eerlikwaar sê dat ek bly is dat hulle die naam in sy geheel verander het na die Noordwes Universiteit, Potchefstroom kampus, en Noordwes Universiteit Vaaldriehoek kampus. Dit pas baie beter, want dan hoef ’n mens nie skynheilig te wees as jy weet daar oor en weer in mekaar se kamers geslaap nie.
Waarskynlik omdat daar deesdae maar min kommentare op Kerkbode-aanlyn verskyn, het Kerkbode dit toe na facebook/kerkbode herlei.
PRETORIA. – ’n Voorstel vir ’n sogenaamde Christelike universiteit in Suid-Afrika word nie juis met geesdrif begroet deur teoloë wat aan die bestaande universiteite verbonde is nie. Sommige sê reguit dit kan tot ’n laertrek-mentaliteit aanleiding gee.
Kommentare:
Kobus Bester
Geen wonder mense verlaat die kerke op strepe nie.
Eion Klaas Du Toit
Hul kan maak wat hul wil – solank dit nie met my geld (belasting) is nie!!!!!
FP Aldrich
Hoor hoor, Eion Klaas Du Toit!!
Lize Grobler Schlebusch
Dit sal wonderlik wees as daar so Universiteit tot stand kan kom.
Henrietta Klaasing
Thinus Malan van Affies vra in ’n brief in Beeld: “Waar moet jong Christene gaan swot?”
Lees hier:
http://www.beeld.com/MyBeeld/Briewe/Waar-moet-jong-Christene-gaan-swot-20120821
Henrietta Klaasing
Henrietta Klaasing
En hier is ’n Kort Boodskap–reaksie op Dr Sittman se brief:
Absoluut verontrustend hoe sarkasties en onverdraagsaam dr. M. Sittmann reageer op Thinus Malan, ’n jongmens, se brief.
– Jan Henning
Henrietta Klaasing
Latere reaksies:
EN NOG EEN:
Henrietta Klaasing
EN WEER:
Henrietta Klaasing
’n 14-jaige skryf vir Dr Sittman:
Toe dr. M, gaan sit nou, man!
Henrietta Klaasing
Thinus antwoord Dr Sittman in gister se Beeld:
Henrietta Klaasing
En goeie nuus vir Tinus van prof Dr. Danny Nel:
Albert Cruywagen
Ek sien geen goeie rede om eenkant, apart verder te studeer nie. Dis soos “home scholing” op sy slegste. Alles wat dan kwansuis met de Bybel bots (op grond van engdenkende mens se interpretasie van die Bybel) word geignoreer. Dis tragies.
Henrietta Klaasing
Albert, geen onderwys of opvoeding is “neutraal” nie, watter kant toe mense ook al redeneer.
Philip du Toit
‘n Opvoedkundige instansie met ’n Christelike etos hoef nie te beteken dat studente nie kritiese vaardighede geleer word nie. Inteendeel, ek sou sê meeste skoolkinders moet nog leer om krities te dink. Dit hoef ook nie te beteken dat studente nie blootstelling kry aan ’n wye spektrum van lektuur nie. Maar hulle kan leiding kry oor hoe om hulleself te verantwoord, selfs al is hulle eie siening nie ’n hoofstroom siening nie. Ironies genoeg dink ek dat baie jong studente aan universiteite vandag juis nie geleer word om krities te dink nie, maar om goedsmoeds die hoofstroom opinie na te volg.
Jean Oosthuizen
Sal daai studente geleer word die aarde is net 6 000 jaar oud ook?
Albert Cruywagen
Henrietta: Wie het gesê dat onderwys neutraal is?
Albert Cruywagen
Philip: Soos ek kan onthou, trek jy akademiese inhoude dat dit naderhand so ’n dun nuttelose rekkie is! Bv. soos mbt. ewolusie!
Philip du Toit
Jean, ek dink hulle moet beide evolusie- en skeppingsteorieë geleer word en geleer word om self te besluit, iets wat nie by sekulêre universiteite aan studente geleer word nie.
Albert Cruywagen
Universiteite is nie-godsdienstig. Hoe kan hulle dan (verdraaide) “Bybelse” skeppingsteoriee doseer? Dan mag die Moslems ook hulle pond vleis wil hê! En die Boedhhiste, en die Hindus, ens. ens. ens. Onhoudbaar.
Jean Oosthuizen
Philip enige universiteit wat studente vandag leer die aarde is net ongeveer 6 000 jaar oud moet homself liewer ’n kleuterskool noem en nie ’n universiteit nie. Wetenskap is wetenskap. Dit behoort objektief beoefen te word en dit is presies wat aan sekulêre universiteite die geval is. Ek weet nie waarom is die laertrekmentaliteit nodig nie. Waarom sou Christene hulle by ’n “eie” universiteit wil gaan afsonder? Ek begryp dit glad nie. Universiteit is daar om akademiese opleiding te verskaf. Dit is nie kerke of godsdienstige instellings nie en ook nie veronderstel om te wees nie.
Philip du Toit
Ek hoor jou Jean, maar ek stem nie daarmee saam nie, veral nie met jou teenstelling van skepping en wetenskap nie. Ek stem ook nie saam daarmee dat ’n Universiteit met ’n Christelike etos noodwendig hulleself “afsonder” nie, inteendeel… Maar nou ja, ons gee mos maar bloot ons menings.
Jean Oosthuizen
Philip ek sal graag wil weet presies wat bedoel jy met ’n Christelike etos aan ’n Universiteit. Potch was eens so universiteit gewees. Is dit wat jy bedoel. ’n Universiteit soos Potch eens was?
Albert Cruywagen
Die mening van die meerderheid vorm die hoofstroom. Dit staan egter enigeen vry om ’n eie minderheidstroompie te begin.
Philip du Toit
Jean, ja, dit is min of meer wat ek in gedagte sou hê.
Jean Oosthuizen
Philip in watter opsig meen jy het Potch se christelike etos ’n beter universiteit van Potch gemaak as byvoorbeeld Stellenbosch, Pretoria of Bloemfontein? Wat sou die belangrikste kenmerke van so ’n “Christelike universiteit” wees?
Adriaan van der Wart
Ek reis onlangs in Oostenryk en merk dat talle kloosters en kerke hoog op teen die berge gebou is. Waarom? Om weg te kom van die ‘besoedelde – sondige – aarde’. Die ‘wêreld’ soos Paulus sy woordkeuse maak. Hoe ongelukkig is dié interpretasie oor die ‘wêreld’ nie. Dis net ’n deurgang, ’n onbelangrike reis na die ‘anderkant’. Maar intussen leef en doen ons alles op dié aarde saam met en tussen al die ander mense. ’n Christelike Universiteit? Waarom dan nie ’n Christelike trein vir my vervoer, ’n Christelike koffiewinkel vir my koppie boeretroos nie, ’n Christelike Kentuckey en ’n handelaar wat net Christelike motors verkoop en diens nie. Of ’n Christelike Harley Davidson mouterbike handelaar nie? Kom nou – ons leef hier en nou tussen mekaar en dis lekker! Ons hoef nie mure om ons te bou om ons te beskerm nie. Dít kom van binne as ons Hom volg! Hy het immers by wynsuipers en vrate se tafels aangesit.
Albert Cruywagen
Die neukery is dat al is hierdie gewaande universiteit hoe Xtelik ook al, dit sal nooit sonde weghou nie: Een of ander tyd sal ’n jong man en meisie voorhuwelikse seks geniet, sal iemand afkyk, sal dar dalk geld wegraak, geskinder word, gelieg word, ens, ens.
Nelmarie Cruywagen
Ek wil weet presies wat moet anders wees by so ’n christelike universiteit. Moet almal christene wees en wat nog? Hoe gaan hulle jool, ser en kafoefel?
Philip du Toit
Jean, elke konteks is anders. Vroeër het baie ander universiteite ook soort van ’n Christelike karakter gehad. Bv. die teologiese fakulteite van beide Pretoria en US was vroeër baie behoudend, maar nie nou meer nie. In ’n sin sou ek sê dat self US en Pretoria dus vroeër ’n sterker Christelike etos gehad het. Dit hang ook af wat die kriteria is vir ’n goeie universiteit. Ek dink maar net daar is tans ruimte vir ’n behoudende Christelike univ. te midde van die sterk liberale ettosse by universiteite tans.
Jean Oosthuizen
Philip kan jy dalk voorbeelde noem van die liberale etosse waarna jy verwys en duideliker uitspel wat jy van ’n Christelike Universiteit verwag. Ek stem saam dat Universiteite vandag meer vrydenkend is as wat voorheen die geval was by Afrikaanse universiteite. Ek dink nie dit is noodwendig negatief nie. As jy gekant is teen losbandigheid en sedeloosheid aan universiteite is ek seker daar is baie sekulêre mense wat jou sal steun. My vraag is eintlik hoe moet die akademiese opleiding van ’n Christelike Universiteit verskil van dit wat studente vandag by Tukkies, Maties, UV, UJof Potch studeer.
Veilige Waters
Dis merkwaardig hoe meer ons Christelike beginsels uit ons univ en skole uitredeneer en evolusie – wat ook net n geloof is – inforseer hoe meer val ons samelewing en waardes uitmekaar. Die VSA is n briljante voorbeeld hoe openmindness die gesinne dn samelewing geskaad het.
Renier Lourens
Christelike beginsels was vir baie jare slegs ’n rookskerm waaragter mense kon skuil, terwyl hulle in elk geval gemaak het soos hulle wou.
Albert Cruywagen
Daai Xtelike etos is slegs een groep se opinie, niks meer nie.
Annari Du Plessis
Ek sidder om te dink watse teologie en wetenskap daar aan studente aangebied gaan word
Adoré Smith
Mediese studente gaan leer dat siektes deur die en daai se demoon veroorsaak word, teologie gaan mal en charismaniac wees met ’n klem op die bevrydingsbediening, demone en sci-fi eskatologie, studente van die sielkunde gaan ook moet hoor dat geestesversteurings demone is, wetenskapstudente gaan leer dat die aarde 6000 jaar oud is, argitekte gaan leer van die bose Vrymesselary van die Voortrekkermonument, Visuele Kommunikasie studente gaan ure lank sit en al die okkultiese simboliek in ’n Lady Gaga musiekvideo uitwys en ontleed, fine arts studente gaan seker heeldag sit en “profetiese” kuns maak terwyl die musiekdepartement die studente gaan leer hoe om ’n cheesy soft rock praise en worship groep bymekaar te sit vir Charismatiese kerkdienste D:
Adoré Smith
Dis nou behalwe vir die feit dat hierdie mense in hulle eie ou kokonnetjie gaan lewe terwyl hulle totaal en al kontak verloor met die harde realiteit van ateïsme, andersgelowiges, evolusie ens. En ek glo nie vir een oomblik almal gaan net reine en stralende Jesuskinders wees wat nie gaan struikel oor die vlees nie 3:)
Dirk Swanepoel
Video killed the radio star.
Johan Wolfaardt
Nee,brandewyn killed the Nesquick bunny,en in die geval sal dit waar wees.As jy opsigself te gesond is,is jy eintlik siek.As jy geen bloodstelling het aan die goeie en die slegte daar buite nie,gaan die wereld jou oorrompel.Ek het dit al hoeveel maal gesien met kinders wat “home schooling” doen.Eerste kans wat hulle kry,toe haak hulle uit en kan nie cope met die harde werklikheid nie.Christen universiteit,teories ’n oulike idee,prakties,’n agehele disaster!
Annari Du Plessis
Ek sien evolusie is nou weer ’n ”geloof”. Rondaardeisme seker dan ook.
‘n Christelike universiteit gaan ontaard in ’n ACE skool nagmerrie, waar allerhande onwaarhede opgedis word as feite, net sodat ’n erg verkrampte, letterlike siening van die Bybel gehandhaaf kan word. Verder gaan diegene wat nie in die koekiedrukker pas nie, sataniste genoem word of net bloot uitgeskuif word. Dit is ’n resep vir disaster.
Rudolph Scharneck
Ek het respek vir die wat dink n Christelike universiteit is goed. Maar as Christene hulleself heeltyd eenkant hou, hoe leer hulle om met nie-Christene gesprek te voer en in vrede saam te leef?
Philip du Toit
Jean, kom ek praat net t.o.v. teologiese opleiding: Ek sou nie sê dat studente weerhou moet word van meer vrydenkende lektuur nie, maar hulle moet opleiding kry wat verteenwoordigend is van die ganse teologiese spektrum. Tans is dit nie die geval nie. Die ironie is dat die grootste gros akademiese lektuur in die teologiese wêreld behoudend is. Ek dink veral aan die kommentaar reekse, maar ook die geskiedenis van teologiese interpretasie. Die ander ironie is dat baie teologiese denkrigtings in Amerika en selfs Engeland (bv. Wright, Dunn, ens.) meer behoudend is as in Suid Afrika. Vir een of ander rede voel SA teoloë en veral teologie-departemente aan universiteite hulle moet teologies so liberaal as moontlik wees. Ek het al gewonder waarom dit so is.
Veilige Waters
As dit nie vir die Bybel was nie, was daar nie teoloë nie, nou wil sekeres die Bybel afwater, so waarop baseer teoloë nou hulle teologiese redenasies wat skynbaar verhewe bo die gewone Bybelleser is?