Skeiding van sonde is ʼn Goddelike plig
Jannie de Villiers
30 Oktober 2023
“Disintegrasie, skeuring, eenheid en skeiding”
Die kwessies in die NG Kerk sal lei tot ‘n verdeelde kerk. Tog is die kwessies wat die Kerk verdeel nie regtig ‘n nuwe ding nie. In die 17de eeu het die Kerk van Engeland verbrokkeling en skeuring ervaar. Elke Protestantse party het die ander daarvan aangekla dat hulle die eenheid van die kerk verbreek. Skeuring en eenheid was een van die mees omstrede kwessies wat daartoe gelei het dat Christene worstel met disintegrasie, skeuring, eenheid en skeiding. John Owen, het baie geskryf om te verdedig teen die aanklag van skeuring wat vandag van toepassing is.
“Kan twee saam loop, behalwe dat hulle ooreengekom is?” (Amos 3:3)
In die hedendaagse tyd moet onderskeidingsvermoë toegepas word op die huidige situasie. Die gelowige moet twee opponerende sienings in die gesig staar wat in wese onversoenbaar is. Waar ‘n mens staan hang daarvan af of hulle ‘n hoë Skrifbeskouing of ‘n lae Skrifbeskouing het.
As ons glo God het gespreek deur die Heilige Skrif, dan moet ons daardie opdragte onderhou. Jesus sê: “As julle in my woord bly, is julle waarlik my dissipels” (Johannes 8:31)
Daarom, wat doen die gelowige wanneer hy gekonfronteer word om Jesus se woorde te gehoorsaam óf aan Jesus se woorde ongehoorsaam te wees? Dit is die basiese vraag.
Soms is skeiding ‘n heilige plig en nie ‘n sonde nie. Dit is nie skeuring nie. Onderskeiding moet gemaak word tussen skeiding op heilige gronde en skeuring. Daar is ‘n onderskeid tussen goddelike skeiding op Bybelse gronde en skeuring. Waar Jesus ons roep om van sonde te skei, moet ons dit doen. Daar is geen alternatief nie.
Skeiding van sonde is nie skeuring nie maar ‘n heilige plig. Dit is skeiding uit besorgdheid oor God en die heerlikheid van die Evangelie.
Het ons enige ander alternatief as om homself van sonde te skei? Was John Owen verkeerd om van sonde te skei?
Mag jul die oortuiging van John Owen hê.
“Gaan deur die nou poort in. Die poort wat na die verderf lei, is wyd en die pad daarheen breed, en dié wat daardeur ingaan, is baie. Maar die poort wat na die lewe lei, is nou en die pad daarheen smal, en dié wat dit kry, is min.” “Pas op vir die vals profete. Hulle kom na julle toe in skaapsklere, maar in werklikheid is hulle verskeurende wolwe. Aan hulle vrugte sal julle hulle ken. Kry ‘n mens dan druiwe aan doringstruike of vye aan dissels? Elke goeie boom dra tog goeie vrugte, maar ‘n slegte boom dra slegte vrugte. ‘n Goeie boom kan tog nie slegte vrugte dra nie, en ‘n slegte boom nie goeie vrugte nie. So sal julle die vals profete dan aan hulle vrugte ken.” “Nie elkeen wat vir My sê: ‘Here, Here,’ sal in die koninkryk van die hemel ingaan nie, maar net hy wat die wil doen van my Vader wat in die hemel is. Baie sal daardie dag vir My sê: ‘Here, Here, het ons dan nie in u Naam gepreek nie, deur u Naam bose geeste uitgedryf en deur u Naam baie wonders gedoen nie?’ Dan sal Ek openlik vir hulle sê: Ek het julle nooit geken nie. Gaan weg van My af, julle wat die wet van God oortree.” “Elkeen dan wat hierdie woorde van My hoor en daarvolgens handel, kan vergelyk word met ‘n verstandige man wat sy huis op rots gebou het. Die stortreën het geval, vloedwaters het afgekom, winde het teen daardie huis gewaai en daaraan geruk, en tog het dit nie ingestort nie, want die fondament was op rots. En elkeen wat hierdie woorde van My hoor en nie daarvolgens handel nie, kan vergelyk word met ‘n dwaas wat sy huis op sand gebou het. Die stortreën het geval, vloedwaters het afgekom, winde het teen daardie huis gewaai en daaraan geruk, en die huis het ingestort en is heeltemal verwoes.”
“(19)As julle gehoorsaam wil wees, sal julle die goeie van die land eet, (20)maar as julle weier en opstandig bly, sal die swaard júlle eet, want dit is die Here wat dit gesê het. (21)Die getroue stad het ‘n ontrou slet geword! Die stad wat die tuiste van die reg was, waarin geregtigheid geskied het, is nou vol moordenaars”