Glo die Bybel

"In die begin het God die mens geskep. Sedertdien skep die mens God."

Dit is waaroor postmodernisme gaan. Dit bevraagteken baie dinge in die Bybel en in die proses word 'n afbeelding van die God van die Bybel geskep.

Frits Gaum sê bv: "Die kerk sal moet leer om dinge met minder sekerheid te sê."

Maar veronderstel die volgende is wel waar:

• God het in ses 24-uur dae geskep en diere en plante elkeen volgens sy soort (dus nie deur 'n proses van evolusie nie).
• Daar was 'n globale vloed wat al die mense op die aarde uitgewis het behalwe 8 - Noag en sy gesin.
• Jesus is/was die Seun van God, Hy is uit die maagd Maria gebore, het wonderwerke gedoen, het aan die kruis gesterf vir ons sonde en met die 3de dag opgestaan uit die dood.
• Die profete van die Ou Testament het Jesus se koms voorspel.
• Daar is 'n hemel en 'n hel.
• Redding is nie onvoorwaardelik nie. Slegs mense wat aan Jesus glo, sal hemel toe gaan.
• Daarom is ons taak om die evangelie aan ongereddes te bring.
• God sal eendag die aarde vernietig en slegs Sy kinders sal hemel toe gaan.
• Seks voor die huwelik en homoseksuele verhoudings is sonde.

Hoe moes God dit anders in die Bybel gestel het sodat ons dit sal glo?