Ben du Toit in Kerkbode
  • Ek heg vir julle die Kerkbode van 3 Oktober aan.
    141003.pdf
    3M
  • Ek het dit reggekry om 'n bespreking geplaas te kry na 'n lang afwesigheid. By my vorige plasing is daar 'n brief in die Kerkbode van Ben du Toit waarin hy die Belhar proses in die Kerk bevraagteken. In die volgende Kerkbode van 17 Oktober word hy ernstig deur Chris van Wyk gekritiseer oor sy optrede.

    Dit kom toe by my op: Vir die eerste keer wat ek van weet word Ben du Toit deur 'n hooggeplaasde amptenaar in die kerk tereggewys. Ben het openlik voor die hele Algemene Sinode gesê dat hy nie in die duiwel glo nie en dat hy hoop die kerk sal vir hom ruimte maak oor sy standpunt. Niemand het hom tereggewys nie. Wynand het 'n tugsaak teen hom aanhangig gemaak, maar die kerklui het rondom hom gestaan. Hy het allerande ketterye oor Jesus in sy boek kwytgeraak en hy het die Andrew Murray prys daarvoor gekry. Hy is ten spyte van sy vreemde sieninge aangestel in 'n baie verantwoordelike pos by die kerk en hy het namens die NG Kerk gevra vir die wettiging van homoseksuele huwelike.

    Nou na al die water in die see geloop het word Ben in die Kerkbode tereggewys en daar word van hom verwag om verskoning aan die kerk te vra - omdat Ben dit durf waag het om te verskil oor die kerk se hantering van Belhar! Dit gee vir mens 'n idee van die leierskap se prioriteite.

    Ek hoop julle kry die Kerkbodes oopgemaak en dat julle 'n weer op hoogte kom van die temas in die Kerkbode in hierdie dae.
    141017.pdf
    3M
  • BAIE dankie Jan! Ek het die drie artikels gekatenpyst ( BdT s'n, Chris van Wyk en dan ook A du Toit s'n) en heg dit hier aan. Ja, dis inderdaad verstommend dat Chris van Wyk vir BdT kritiseer!
    Ben du Toit van Kuilsrivier Belhar en Artikel 1.docx
    29K
    Belydenisse is gedateerd.docx
    28K
  • En hier is Chris van Wyk se verstommende kritiek ( ek kry dit nie aangeheg nie) :

    Artikel 1 wil polarisering
    vermy
    Dr Chris van Wyk, voorsitter: taakspan vir Be-
    lydenis van Belhar, skryf:
    Ek het met groeiende verbasing dr Ben du Toit se
    brief “Belhar en Artikel 1” in die
    Kerkbode
    3 Oktober
    gelees.
    Sy uitgebreide bydrae rondom die Belydenis van
    Belhar is deur die taakspan vir die Belydenis van Bel-
    har ter vergadering hanteer, op die webtuiste geplaas,
    sowel as aan die Algemene Sinode 2013 voorgelê. Selfs
    sy korter formulering oor Artikel 1 as voorstel aan die
    taakspan is opgeneem in ons uiteindelike aanbeveling
    – saam met verteenwoordigers van die ander kerke –
    aan die Algemene Sinode. Enigiemand kan dit op die
    webtuiste nagaan. Jy skuld ons ’n verskoning.
    Die Algemene Sinode het die voorstel uitgebrei,
    soos dit hulle goeie reg is, om ’n Artikel 1 te formuleer
    wat polarisering vermy tussen dié wat die Bely de nis
    van Belhar as in ooreenstemming met die Bybel bely
    – waar dr Ben du Toit hom bevind – en dié wat dit nie
    só bely nie.
    Deur dié formulering te tipeer as strategies en
    minderwaardig dwing jy juis jou eie standpunt op an-
    der af en polariseer die kerk in twee kampe, of hulle
    nou wil of nie. Jou standpunt gaan dus lynreg teen ’n
    ruimhuis benadering in, soos jyself erken, en be-
    vorder die uitsluiting van diegene wat anders as jy
    dink. Daarteen het die Algemene Sinode 2013 duide-
    lik en amper eenparig standpunt ingeneem.
    Artikel 1 is helder daaroor dat die Belydenis van
    Belhar deel raak van die belydenisgrondslag van die
    NG Kerk. Dit word bely as in ooreenstemming met
    die Bybel, soos met die ander belydenisskrifte. Om
    mense van verskillende oortuigings te akkommodeer,
    formuleer ons dit só: “Die Belydenis van Belhar is
    deel van die belydenisgrondslag van die Kerk, op so ’n
    wyse dat daar ruimte is vir lidmate, ampsdraers en
    vergaderinge wat dit as in ooreenstemming met die
    Woord van God bely, sowel as vir lidmate, amps-
    draers en vergaderings wat dit nie as ’n belydenisskrif
    onderskryf nie.”
    Ons is vol vertroue dat ons daarmee ons hele kerk
    kan saamneem op hierdie wonderlike pad wat ons
    met die Belydenis van Belhar stap. Ek kan nou as lid
    van die NG Kerk amptelik die belydenis aanvaar, soos
    ek ook reeds lankal persoonlik doen. Ek gee egter ook
    eksplisiet ruimte dat ander mense dit nie op dieselfde
    wyse as ek aanvaar nie. Ek hoop en bid dat jy dit ook
    sal regkry.
  • Natuurlik wil BdT alle belydenisskifte opsioneel maak. Hy glo nie meer een van hulle nie!
  • Ek is verbaas dat BdT nie sommer ook die Bybel opsioneel maak nie ... :)
  • Dankie Hetta dat jy dit gek&p het.
    Jan,
    Jy se dit so raak soos baie van ons dink ,maar soos ek nie kan bewoord nie. Dis nou oor Ben uiteindlik aangetree word.
    God se eer tel nie,maar die moderatuur se eer.

    Ek wonder is die Chris v Wyk nie die eertydse hoof van Sanlam nie.
    Hy sal die guts he om BOK aan te vat.

    Miskien dring dit deur by die kerkleierskap dat hul n duur prys betaal om BdT aan te hou.
    Wonder hoeveel lidmate is oor hom uit die kerk?

    Dis amper soos die ANC regering met Zuma.
    Hul planne boemerang so n bietjie.
  • Anna, of Chris van Wyk vroeër by Sanlam was, sal ek nie kan sê nie. Hy is wel tans predikant by die Somerstrand-gemeente in Port Elizabeth en, so meen ek, die huidige moderator van die Oos-Kaapse streeksinode.

Dagsê, Vreemdeling!

Welkom by ons nuwe geselsplek, as jy nuut is hier, skep 'n rekening en gesels saam.