Dr Ben du Toit (deur Ferdie Mulder, Youtube)

Ben du Toit was vir lank die hoof van kommunikasie van die NG Kerk, maar het glad nie gesonde teologie beoefen nie.

2000

In 2000 publiseer hy die boek God? Geloof in ’n postmoderne tyd. Daarin bevraagteken hy onder andere die duiwel, Jesus se Godheid, maagdelike verwekking, wonderwerke, liggaamlike opstanding en wederkoms.

Op grond hiervan word hy twee maal aangekla vir die verbreking van sy legitimasie-eed.

Ten spyte hiervan word hierdie boek in 2001 vereer met die Andrew Murrayprys onder die kategorie “Afrikaanse teologiese boeke“.

2006

In Oktober 2006 vra Ben du Toit in ‘n artikel in Kerkbode: Aanbid ons almal maar dieselfde God?

As die NG Kerk se parlementêre verteenwoordigers, moedig Ben du Toit en Kobus Gerber die RSA se parlement in Oktober 2006 aan om homoseksuele huwelike te wettig (kyk NGK vra SA parlement dat homoseksuele huwelike gewettig word (Okt 2006)).

Ben glo nie aan die duiwel as persoon nie. Wynand Louw het hom in 2013 by sy ring aangekla daaroor, maar hy het losgekom omdat daar geredeneer is dat die NGK amptelik ruimte maak vir sy siening volgens die amptelike besluit tydens die 2011 algemene sinode in Boksburg. Kyk:

• Korrespondensie met Dr. Ben du Toit (met Wynand Louw oor die bose)
• Die uitkoms van die dwaalleer tug ondersoek teen Dr Ben du Toit: Daarin sê Ben: “Voorsitter, die Here moet my daarvoor straf, maar, ek meen, ek dink nie ek is buite die belydenis as ek die genade van God groter stel as enigiets anders nie.” Hierdie is duidelik ’n universalsitiese stelling.

In sy boek God: Is daar ‘n ander antwoord?, verwys Ben du Toit in die voetnota op bl 95 soos volg na hierdie insident:

Binne ’n heel ander konteks het ek self hierdie frustrasie ervaar toe ek van leerdwaling (verbreking van my legitimasie-eed) aangekla is deur ‘n argitek en ‘n oor-neus-en-keel-spesialis – dat ’n sinvolle argumentatiewe gesprek eintlik onmoontlik was omdat hulle nie oor enige teologiese opleiding (oor die hele spektrum van teologiese dissiplines) beskik het om ‘n konstruktiewe beredenering te volg nie. Hulle hantering van die Bybel sowel die belydenisskrifte was uitermate meganies-fundamentalisties en het ontbreek aan enige ruimte vir ’n meer genuanseerde gesprek wat in die teologie ontwikkel het.

In 2018 tree hy af met die volgende skrywe aan die ATR (Algemene Taakspan Regte) kantoor:

Hiermee doen ek vrywilliglik afstand van my amp en bevoegdheid as predikant. 5 Julie 2018.

En toe klim hy behoorlik uit die teologiese kas met sy boek God: Is daar ’n ander antwoord? (30 Oktober 2020) waarin hy ruiterlik te erken dat hy ’n postteïs is. Soos andere, glo hy ook dat God in die mense se koppe geskep is. Homo sapiens is ouer as God. Met ander woorde, die oer mens het ontstaan voor God uitgedink is. In die artikel Die mens: Antwoord en ook skepper (15 Nov 2020) kom dit duidelik na vore dat hy totaal sy geloof verloor het. Hierin sê hy:

Ek beskou myself daarom liewer as post-teisties… Vir my dui die begrip post-teisties op ’n definitiewe afskeid van enige geloof in ’n transendente, metafisiese “wêreld” of bestaan waarin bonatuurlike magte en kragte sou wees wat die botoon voer en hulle laat geld ten opsigte van die wel en wee van die mensdom en die heelal.

Dit is egter duidelik dat hy reeds lank voor sy aftrede sy geloof verloor het.

Kyk ook

• Herinnering aan Jan du Rand (1945-2021)
• Ferdie Mulder praat met prof Sybrand Strauss (24 Jan 2021)
• Ben du Toit se ‘reis na anderkant God’ (11 Desember 2020)
• Die mens: Antwoord en ook skepper (postteïsme, 15 Nov 2020)
• God: Is daar ’n ander antwoord? (boek, 30 Oktober 2020)
• US Woordfees 2017: Wat moet ons met ons kerk doen? (9 Mrt 2017)
• Die apostoliese geloofsbelydenis – ’n eietydse interpretasie (2013)
• Die leiers van die NG Kerk trek laer om Dr Ben du Toit (Wynand Louw, 23 Mei 2013)
• Dwaalleer tugsaak in die NG Kerk teen dr. Ben du Toit (Slabbert Le Cornu, 20 Mei 2013)
• Sinodebesluit oor duiwel lei tot leerklag (13 Jun 12)
• Opvolgende e-posse na RSG se Kruis en Dwars oor Evolusie (Hennie Mouton en Ben du Toit)
• Stryd waar die pad vurk (17 Nov 11)
• NG Kerk laat ruimte vir botsende sienings oor duiwel (12 Okt 11)
• Godsdiens en Wetenskap (Evolusie, 25 Jul 09)
• Die NG Kerk-Die Antwoord-konneksie (2012)
• Die (NG) Kerk stoot postmoderne deure oop (Izak de Vries, 2 Okt 2010)
• Hanlie gesels met Anton Pienaar (1 Des 2010)
• DVD: Nuwe Strominge in die Teologie (Sarel van der Merwe) (2007)
• Die ontkenning van Jesus se liggaamlike opstanding uit die dood – ’n Teologiese agtergrond (25 Aug 2007)
• Aanbid ons almal maar dieselfde God? (Ben du Toit, Okt 2006)
• NG teologie by UP kan tot ’n einde kom (2 Okt 2005)
• ‘Dwaalleer’-brief gekap (5 Jul 2005)
• NG teoloë kap ‘dwaalleer’-brief (25 Jun 2005)
• Die herwinning van die betekenis van die doop (13 Mei 2005)
• Té min bly oor (17 Aug 2001)
• God? Geloof in ’n postmoderne tyd (boek, 2000)